રક્ષાબંધન પર 33 કરોડ ગ્રાહકોને મોદી સરકારની ભેટ:

 રક્ષાબંધન પર 33 કરોડ ગ્રાહકોને મોદી સરકારની ભેટ: ઘરેલુ LPG સિલિન્ડરની કિંમતમાં ₹ 200નો ઘટાડો, ‘ઉજ્જવલા’ અંતર્ગત માત્ર ₹ 700માં મળશે સિલિન્ડર

આ દરમિયાન મોદી સરકારે 75 લાખ વધારાના ઉજ્જવલા કનેક્શનને પણ મંજૂરી આપી છે. આ સાથે સમગ્ર દેશમાં પ્રધાનમંત્રી ઉજ્જવલા યોજનાના કુલ લાભાર્થીઓની સંખ્યા વધીને 10.35 કરોડ થઈ જશે.

ફાઈલ ફોટો: The Indian Express

 

Share

Facebook

Twitter

WhatsApp

- Advertisement -

વડાપ્રધાન નરેન્દ્ર મોદીએ મહિલાઓને રક્ષાબંધનની ભેટ આપી છે. તેમણે મધ્યમ વર્ગ અને ગરીબોને મોટી રાહત આપવાના નિર્દેશ આપ્યા હતા, ત્યારબાદ ઘરેલુ LPG ગેસ સિલિન્ડરના ભાવમાં પ્રતિ સિલિન્ડર ₹ 200નો ઘટાડો કરવાની જાહેરાત કરવામાં આવી છે. દેશભરના લગભગ 33 કરોડ ગ્રાહકોને તેનો લાભ મળશે. દેશભરમાં 33 કરોડ ઘરેલુ ગેસ કનેક્શન આપવામાં આવ્યા છે.

પીએમ ઉજ્જવલા યોજનાના લાભાર્થીઓને બમણો લાભ

કેન્દ્ર સરકાર વતી કેબિનેટ મંત્રી અનુરાગ ઠાકુરે આ માહિતી આપી હતી. તેમણે કહ્યું કે હવે ઘરેલુ ગેસ સિલિન્ડરની કિંમત 1100 રૂપિયાને બદલે 900 રૂપિયા થઈ ગઈ છે. આટલું જ નહીં, દેશભરમાં 9.6 કરોડથી વધુ પ્રધાનમંત્રી ઉજ્જવલા યોજના (PMUY) કનેક્શન કે જેઓ પહેલાથી જ સિલિન્ડર પર 200 રૂપિયાની સબસિડી મેળવે છે, તેમને આ સિલિન્ડર માત્ર 700 રૂપિયામાં મળશે.

નવા ઉજ્જવલા કનેક્શન પણ ઉપલબ્ધ થશે

આ દરમિયાન મોદી સરકારે 75 લાખ વધારાના ઉજ્જવલા કનેક્શનને પણ મંજૂરી આપી છે. આ સાથે સમગ્ર દેશમાં પ્રધાનમંત્રી ઉજ્જવલા યોજનાના કુલ લાભાર્થીઓની સંખ્યા વધીને 10.35 કરોડ થઈ જશે. અનુરાગ ઠાકુરે કહ્યું કે સરકાર ઉજ્જવલા યોજના પર 3600 રૂપિયા ખર્ચે છે. હાલમાં દેશમાં કુલ 9.6 કરોડ લાભાર્થીઓ છે. આ યોજના હેઠળ સિલિન્ડર, સ્ટવ, પાઇપ બધું જ મફતમાં ઉપલબ્ધ કરાવાય છે.