સંતવાણી

 

 સંતવાણી 

હે જી મને જીણો જીણો નાદ સંભળાય,

 ગુરૂજી મારાં આવે છે; હે જી એનાં સવારીના સુર સંભળાય, ગુરૂજી મારાં આવે છે.

નયનથી નીરખતાં ત્યાં તો વાલો લાગે દૂર,

 ઓહમ સોહમ ના ચીપીયે; એનું ગોતી લેજો નૂર,

 હે જી જીણી જીણી ઝાલર સંભળાય.

ગુરૂજી મારાં આવે છે...

પ્રથમ ગુરુજીને વિનવું વંદન કરું વારંવાર,

 મોહ બંધન થી મુક્ત કરી; ઉતારો ભવ જળ પાર,

હવે અનહદ નાદ સંભળાય.

        ગુરૂજી મારાં આવે છે...

સેવા સદગુરુ દેવની તન મનથી કરે કોઈ,

દાસી_ઝબુ કર જોડી વિનવે; આ અનુભવ ચક્ષુ કોઈ,

સદગુરુ અવિનાશી પ્રગટ દેખાય.

       ગુરૂજી મારાં આવે છે...

હે જી મને જીણો જીણો નાદ સંભળાય,

    ગુરૂજી મારાં આવે છે;

 હે જી એનાં સવારીના સુર સંભળાય,

        ગુરૂજી મારાં આવે છે.